कराड | प्रतिनिधी

महाराष्ट्राच्या उपमुख्यमंत्री सुनेत्रा अजित पवार यांनी आज कराड येथील प्रितीसंगमावर जाऊन महाराष्ट्राचे शिल्पकार आणि पहिले मुख्यमंत्री स्व. यशवंतराव चव्हाण यांच्या समाधीचे दर्शन घेतले. उपमुख्यमंत्री पदाची शपथ घेतल्यानंतर सुनेत्रा पवार यांचा हा पहिलाच कराड दौरा होता. यावेळी त्यांनी स्व. चव्हाण यांच्या समाधीला पुष्पचक्र अर्पण करून विनम्र अभिवादन केले.

दिग्गजांची उपस्थिती

या प्रसंगी राजकीय क्षेत्रातील अनेक मान्यवर आणि प्रशासकीय अधिकारी उपस्थित होते, त्यामध्ये प्रामुख्याने:

मकरंद पाटील: मदत व पुनर्वसन मंत्री

रूपाली चाकणकर: अध्यक्षा, राज्य महिला आयोग

सुनील तटकरे: खासदार

नितीन पाटील: खासदार

श्रीनिवास पाटील: माजी खासदार

बाळासाहेब पाटील: माजी आमदार

संतोष पाटील: जिल्हाधिकारी

तुषार दोशी: पोलीस अधीक्षक

राजेंद्रसिंह यादव: नगराध्यक्ष, कराड

जुन्या आठवणींना उजाळा

स्व. अजित पवार यांचे स्व. यशवंतराव चव्हाण यांच्या समाधी स्थळाशी असलेले जिव्हाळ्याचे नाते सर्वश्रुत आहे. अजित पवार वारंवार कराड येथे येऊन साहेबांच्या समाधीचे दर्शन घेत असत. आज सुनेत्रा पवार यांनी देखील त्याच परंपरेचे पालन करत अभिवादन केल्याने, उपस्थित कार्यकर्त्यांना आणि नागरिकांना जुन्या आठवणींची उजळणी झाली.

"महाराष्ट्राच्या जडणघडणीत स्व. यशवंतराव चव्हाण साहेबांचे योगदान अतुलनीय आहे. त्यांच्या विचारांचा वारसा पुढे नेण्यासाठी या पवित्र स्थळावरून नवी ऊर्जा मिळते," अशा भावना यावेळी व्यक्तकरण्यात आल्या.